豉椒涼瓜唔一定要炒牛肉咁死板嘅,我今次就用了素漢堡扒,來個中西合璧交戰,一樣可以將苦瓜味道參透入漢堡扒裡面,再加埋三色椒,色香味俱全!
素材:素漢堡扒一至兩塊切條,苦瓜兩個切片,用鹽醃20分鐘再沖水洗淨,作用將澀味袪走,三色椒各一個切件,兩隻指天椒切粒,兩茶匙蒜蓉豆豉醬,加少許油起鑊,加少許糖,鹽及老抽,炒10分鐘後加半碗水"琴蓋"約8至10分鐘(三色椒最後5分鐘先落)能保持色澤翠綠,上碟便完成!
溫馨小貼士:指天椒保存方法,一般買十元八塊,已經有好多隻,但又不是經常用,會好容易放到發霉,就算放雪櫃一排攞出來都會爛,方法很簡單,只要用保鮮紙包好,再放"冰箱"保存,用嘅時後沖水洗淨,可保存三個月,萬試萬靈!
睇見都流口水!
這款素漢堡扒,肉質味美!
指天椒只要正確儲存,可保三個月新鮮!
No comments:
Post a Comment